சர்வதேச இருபது-20 உலகக்கிண்ணம் 2020 - அவுஸ்திரேலியா - ஒரு பார்வை

சர்வதேச இருபது-20 உலகக்கிண்ணம் 2020ஆம் ஆண்டு அவுஸ்திரேலியாவில் இடம்பெறவுள்ளது. 2020ஆம் ஆண்டு அக்டோபர் மாதம் 18ஆம் திகதி முதல் நவம்பர் மாதம் 15ஆம் திகதி வரை இடம்பெறும். கிட்டத்தட்ட ஒரு மாதம் வரையில் இடம்பெறவுள்ள இத்தொடரில் 16 அணிகள் பங்குபற்றுகின்றன. 

போட்டியை நடத்தும் நாடான அவுஸ்திரேலியா நேரடியாக சர்வதேச இருபது-20 உலகக்கிண்ணத்துக்கு தகுதி பெற்றுள்ளது. மேலும் 31 டிசம்பர் 2018 திகதியன்று ஐ.சி.சி இருபது-20 தரவரிசையின் அடிப்படையில் 1 முதல் 9ஆம் இடத்தைப் பெறும் (அவுஸ்திரேலியா தவிர) ஒன்பது அணிகள் சர்வதேச இருபது-20 உலகக்கிண்ணத்துக்கு தகுதி பெறும். ஏனைய ஆறு அணிகளும் தகுதிகாண் போட்டிகளின் அடிப்படையில் தேர்வு செய்யப்படும். 

ஆசியா, ஐரோப்பா, ஆப்பிரிக்கா, அமெரிக்கா மற்றும் கிழக்காசியா - பசுபிக் என ஐந்து பிராந்தியங்களில் இருந்து மொத்தம் 62 அணிகள் தகுதிகாண் போட்டிகளில் விளையாடவுள்ளன. இவற்றில் இருந்து எட்டு அணிகள் மட்டும் 2020ஆம் ஆண்டு இடம்பெறவுள்ள இறுதிக்கட்ட தகுதிகாண் போட்டிகளுக்காக தெரிவு செய்யப்படும். 2018 பிப்ரவரி 26ஆம் திகதி முதல் தகுதிகாண் போட்டிகள் இடம்பெற்று வருகின்றன. 

ஐந்து பிராந்தியங்களும் பன்னிரண்டு குழுக்களாகப் பிரிக்கப்பட்டுள்ளன. பன்னிரண்டு குழுக்களிலும் முன்னிலை பெறும் 25 அணிகள் 2019ஆம் ஆண்டு நடைபெறும் பிராந்திய தகுதிகாண் இறுதிச்சுற்றுக்குத் தகுதி பெறும். இவற்றில் இருந்து எட்டு அணிகள் 2020ஆம் இடம்பெறவுள்ள இறுதிக்கட்ட தகுதிகாண் போட்டிகளுக்கு தகுதி பெறும். 

2016ஆம் ஆண்டு  இருபது-20 உலகக்கிண்ண போட்டியில் பங்குபற்றிய 16 அணிகளில் இருந்து 2018.12.31ஆம் திகதி நிலவரப்படி ஐ.சி.சி இருபது-20 தரவரிசைப் பட்டியலில் 11 முதல் 16 வரையான இடங்களைப் பெறும் ஆறு அணிகளும் 2020ஆம் இடம்பெறவுள்ள இறுதிக்கட்ட தகுதிகாண் போட்டிகளில் விளையாட வேண்டும். 

2020ஆம் ஆண்டில் இடம்பெறவுள்ள இறுதிக்கட்ட தகுதிகாண் போட்டிகளில் மொத்தம் பதினான்கு அணிகள் விளையாடும். அவற்றில் முதல் ஆறு இடங்களைப் பெறும் அணிகள் அவுஸ்திரேலியாவில் இடம்பெறவுள்ள சர்வதேச இருபது-20 உலகக்கிண்ணம் 2020 தொடரில் விளையாடத் தகுதி பெறும். 

மொத்தமாக 78 அணிகள் 2020ஆம் ஆண்டு அவுஸ்திரேலியாவில் இடம்பெறவுள்ள சர்வதேச இருபது-20 உலகக்கிண்ண தொடரில் விளையாடுவதற்காகப் போராடுகின்றன. மாபெரும் இருபது-20 உலகக்கிண்ண தொடரில் விளையாடவுள்ள அந்த 16 அணிகள் எவை? பொறுத்திருந்து பார்க்கலாம். 

சர்வதேச இருபது-20 உலகக்கிண்ணம் 2020 - அவுஸ்திரேலியா - ஒரு பார்வை  
http://sigaram7.blogspot.com/2018/10/ICC-World-T20-2020-Australia-a-view.html 

#ICC #WT20 #Australia #T20IRankings #ICCWT20_2016 #T20I #MRFTyresICCRanking #RegionalQualifiers2018 #RegionalFinals2019 #TamilCricket #SigaramNews

சீனா எதிர் தாய்லாந்து | சீனாவின் உலக சாதனை | ஐ.சி.சி உலக இ-20 ஆசியா "பி" பிரிவு தகுதிகாண் சுற்று 2018

ஐ.சி.சி உலக இ-20 ஆசியா "பி" பிரிவு தகுதிகாண் சுற்று 2018 தற்போது மலேசியாவில் இடம்பெற்று வருகிறது. அக்டோபர் 3ஆம் திகதி முதல் அக்டோபர் 12ஆம் திகதி வரை இந்த சுற்றுத்தொடர் இடம்பெறும். ஆசிய கிரிக்கெட் சபையின் ஏற்பாட்டில் இந்த தொடர் மலேசியாவில் இடம்பெறுகிறது. 7 அணிகள் 21 போட்டிகளில் விளையாடுகின்றன. 

ஐ.சி.சி உலக இ-20 ஆசியா "பி" பிரிவு தகுதிகாண் சுற்று 2018 கிழக்கு உப பிராந்திய சுற்றுத்தொடரின் இரண்டாவது போட்டி மலேசியாவில் அக்டோபர் 3ஆம் திகதி இடம்பெற்றது. இந்த போட்டியில் சீனா மற்றும் தாய்லாந்து அணிகள் எதிர்த்தாடின. 

முதலில் துடுப்பெடுத்தாடிய சீனா 20ஓவர்களில் 9விக்கெட் இழப்புக்கு 35ஓட்டங்களை மட்டுமே பெற்றுக்கொண்டது. அதிக பட்சமாக வாங் யா (Wang Ya) 8 ஓட்டங்களைப் பெற்றுக்கொண்டார். பந்துவீச்சில் தாய்லாந்து வீரர் ஜேக்கப்ஸ் 3 விக்கெட்டுகளைக் கைப்பற்றினார். 

சீனா அணித்தலைவர் சென் எக்ஸியோரன் மற்றும் வாங் யா ஆகியோர் மட்டும் தலா ஒவ்வொரு நான்கு ஓட்டங்களைப் பதிவு செய்தனர். இருபது-20 சர்வதேச போட்டிகளில் இது இரண்டாவது மிகக் குறைந்த ஓட்ட எண்ணிக்கை ஆகும். 

பதிலளித்தாடிய தாய்லாந்து அணி 2.4ஓவர்களில் விக்கெட் இழப்பின்றி 36 ஓட்டங்களைப் பெற்றது. ஜேக்கப்ஸ் 19 ஓட்டங்களையும் ஷஃபிகுல் ஹக் 13 ஓட்டங்களையும் பெற்றுக்கொடுத்தனர். தாய்லாந்து அணி 10 விக்கெட்டுகளால் அபார வெற்றி பெற்றது. 

சீனா 2004ஆம் ஆண்டு சர்வதேச கிரிக்கெட் பேரவையில் இணைந்து கொண்டதுடன் இவ்வருட ஆரம்பத்தில் முழுமையான இருபது-20 சர்வதேச அந்தஸ்த்தையும் பெற்றுக்கொண்டமை குறிப்பிடத்தக்கது. 

சீனா எதிர் தாய்லாந்து | சீனாவின் உலக சாதனை | ஐ.சி.சி உலக இ-20 ஆசியா "பி" பிரிவு தகுதிகாண் சுற்று 2018 
http://sigaram7.blogspot.com/2018/10/China-vs-Thailand-t20-WC-Qualify-2018.html 
#ACC #ICC #T20I #China #Thailand #WT20 #icc_world_twenty20_2020 #Australia #Cricket #CricketScores #TamilCricket #Aus #CricketAustralia #SigaramNEWS